1993-cu ildə Kəlbəcər rayonundan itkin düşmüş Bahadur Məhəmməd oğlu Kamalovun nəşi tapılıb.
Dalidag.az xəbər verir ki, yaxın günlərdə mərhumun nəşi ailəsinə təhvil veriləcək.
Bahadur Kamalovun oğlu Oqtay Kamalov Teleqraf-a açıqlamasında faktı təsdiqləyib.
O bildirib ki, atasının nəşi Kəlbəcərdə dəfn olunacaq.
Qeyd edək ki, Bahadur Kamalov 19 yanvar 1937-ci ildə Kəlbəcər rayonunda anadan olub və Zar kənd sovetinin sədri vəzifəsində çalışıb. 1993-cü il aprelin 5-də erməni silahlı qüvvələrinin Kəlbəcər rayonunu işğal etməsi zamanı itkin düşüb.

Dalidag.az