İclasda müəssisənin 2025-ci il üzrə fəaliyyəti təhlil olunub, qarşıdakı dövr üzrə prioritet istiqamətlər müəyyənləşdirilib. Qarşıya çıxan problemlər, mövcud çatışmazlıqlar və onların aradan qaldırılması istiqamətində görülən tədbirlər müzakirə edilib.

Tədbir çərçivəsində Laçın Rayon Mərkəzi Xəstəxanasının direktoru Orxan Cəbrayılov təqdimatla çıxış edərək xəstəxananın fəaliyyət göstəriciləri, mövcud vəziyyət və strateji hədəflər barədə məlumat verib.

İclas qarşılıqlı fikir mübadiləsi şəraitində keçib. Direktorun müavini - baş həkim Nəcibə İbadova, direktorun inzibati məsələlər üzrə müavini Muğan Nəzərli, Təcili yardım şöbəsinin müdiri Vilad Əliyev, Şüa-diaqnostika şöbəsinin müdiri Bəxtiyar Qasımov, tibbi sığorta üzrə mütəxəssis Qorxmaz Vəliyev və Laboratoriya şöbəsinin həkim-laborantı Aynurə Əsgərova hesabat xarakterli çıxış ediblər.

Tədbirdə xəstəxananın struktur bölmə rəhbərləri, həkimlər, digər tibb işçiləri və inzibati heyət iştirak edib.

Dalidag.az