Prezident İlham Əliyevin tapşırığına uyğun olaraq, işğaldan azad edilmiş ərazilərə Böyük Qayıdış davam etdirilir. Qayıdış proqramına uyğun olaraq Xocalı rayonunun Şuşakənd və Xanyurdu kəndlərinə növbəti köç yola salınıb. Öz dədə baba yurduna qayıdan ailələr Ağdamın Dördyol adlanan ərazisindən yola salınıb.
Dalidag.az-ın xəbərinə görə, bu mərhələdə Şuşakənd kəndinə 19 ailə olmaqla 55 nəfər, Xanyurdu kəndinə isə 12 ailə olmaqla 34 nəfər öz dədə baba yurduna qayıdıb.
Doğma yurda qayıdan ailələr bu günə kimi respublikanın müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdir. Doğma yurda qayıdan sakinlər hərtərəfli dövlət qayğısı ilə əhatə olunduqlarına görə Prezident İlham Əliyevə və Birinci vitse-prezident Mehriban xanım Əliyevaya təşəkkür ediblər. Onlar, həmçinin torpaqlarımızı işğaldan azad edən rəşadətli Azərbaycan Ordusuna, qəhrəman əsgər və zabitlərimizə minnətdarlıqlarını bildirib, bu yolda canlarından keçən şəhidlərimizə rəhmət diləyiblər.

Dalidag.az