Suriya dövləti və ordusunun şərəfsiz və zəif davranışı nəticəsində Dəməşq süqut etdi.
Dalidag.az xəbər verir ki, bu sözlərlə erməni iranşünas Vardan Voskanyan Suriyada Əsəd rejiminin süquta uğramasından keçirdiyi sarsıntını ifadə edib.
O bildirib ki, “Təhrir əş-Şam” - daha kiçik, lakin yüksək səviyyədə mütəşəkkil bir qruplaşmanın mübarizə əzmi ilə daha güclü rəqibə qalib gəlməsinin bir nümunəsidir:
“Yaxın Şərq artıq dünənki kimi deyil, çünki Ərdoğan rejimi daha da özünə inamlı hərəkət edəcək”.
Voskanyan Əsəd rejiminin yıxılmasının Ermənistan üçün ciddi çağırış və təhlükə olduğunu etiraf edib, buna baxmayaraq, ümidin bitmədiyini də vurğulayıb. Voskanyan hazırda Türkiyə-Rusiya və Türkiyə-İran münasibətlərinin pisləşmə ehtimalının Ermənistan üçün “ümidverici” olduğunu yazıb.
“Kürdlər də Ərdoğan hakimiyyəti üçün təhlükəyə çevrilərək, daha sərbəst hərəkət etmək şansı əldə edəcəklər. Kürd məsələsində və digər sahələrdə Amerika-Türkiyə maraqlarının toqquşması istisna deyil”.
Qeyd edək ki, Suriyanın devrilmiş prezidenti Bəşər Əsəd Ermənistanın işğal siyasətinə və Azərbaycana qarşı təcavüzünə dəstək verən şəxs kimi tanınırdı.axar.az

Dalidag.az