Ötən gün Ermənistanın Baş naziri Nikol Paşinyanın parlamentdə çıxışı zamanı müxalifətdən olan deputat Qeqam Manukyan cəld şəkildə Milli Assambleyanın yeməkxanasına enib, bir stəkan qatıq götürərək zala qayıdıb. 
Dalidag.az xəbər verir ki, bu barədə “Hraparak” məlumat yayıb.
Nəşr yazır ki, deputat Paşinyanın çıxışı zamanı onu izləyərək qatıq yeyib. Baş nazir bunu görüb, lakin heç bir reaksiya verməyib. Çıxış bitdikdən sonra Manukyan Paşinyanın sözlərindən zəhərlənməmək üçün qatıq yediyini deyib.
Belə ki, SSRİ dövründə kimyəvi zavodlarda işləyən fəhlələrə zəhərlənməmələri üçün süd və qatıq verildiyi bildirilir. Manukyanın son 3 gündə büdcə müzakirəsi zamanı bu ənənəni davam etdirdiyi qeyd olunur. Hakim “Mülki Müqavilə” fraksiyasının üzvlərinin adətən çıxışlar zamanı müxalifətin ünvanına tənqidlər səsləndirməsi səbəbindən deputatın belə bir addım atdığı deyilir.
Həmçinin Qeqam Manukyan Nikol Paşinyanın çıxışı zamanı Ermənistanın Müstəqillik Bəyannaməsinin xətalı olması və “tarixi Ermənistan” fikirlərini dilə gətirdiyi zaman zəhərlənmək istəmədiyini bildirib.globalinfoaz

Dalidag.az