NATO-ya üzv olmaq qərarı ilə Moskvanı qəzəbləndirən Finlandiyada yerli media qurumları beynəlxalq medianın diqqətini çəkən xəbər yayımlayıb.
Finlandiyanın dövlət televiziyası Yle Rusiyanın ikinci ən böyük şəhəri olan Sankt-Peterburqdakı hava hücumundan müdafiə sistemlərinin Ukraynaya daşındığını açıqlayıb.
Peyk görüntülərini araşdıran Mika Makelaynenin xəbərinə görə, fotolar Sankt-Peterburqda çəkilib. Bu, Peterburqun şimal-qərbindəki Zelenoqorsk bölgəsində yerləşdirilən raket batareyalarının yay mövsümündə itdiyini göstərir.
Televiziya Putinin məmləkəti olan bu şəhər ətrafındakı 14 raket bazasından bəzilərinin hazırda boş olduğunu iddia edib.
20 ildir Rusiya ordusunun Finlandiya sərhəddindəki hərəkətlərini izləyən hərbi ekspert Marko Eklund Rusiya ordusunun, xüsusilə S-300 hava hücumundan müdafiə sistemlərinin Sankt-Peterburqdan daşındığını bildirib.