2021-ci ildə Zəngəzur dəhlizi ilə bağlı görülən işlər böyük siyasi nailiyyət və siyasi qələbə kimi qiymətləndirilməlidir.
Dalidag.az xəbər verir ki, bunu Baş nazir Əli Əsədov hökumətin 2021-ci il üçün hesabatını Milli Məclisə təqdim edərkən deyib.
“Bu istiqamətdə əməli tədbirlər görülüb və görülməyə davam etdirilir. Bundan əlavə, martın 11-də İran ərazisindən keçməklə Şərqi Zəngəzur iqtisadi rayonu və Naxçıvan arasında yeni kommunikasiyaların yaradılması istiqamətində Anlaşma Memorandumu imzalanıb. Bu, kommunikasiya bağlantıları regionun inkişafına böyük töhfələr verəcək”, - Baş nazir vurğulayıb.