“BAKI METROPOLİTENI” QSC-YƏ

Ali Baş Komandanın rəhbərliyi ilə şəhidlərimizin canı, qazilərimizin qanı hesabına əldə edilmiş tarixi Zəfər Azərbaycanı dünyaya qalib dövlət, bizləri isə müzəffər xalq kimi təqdim etdi. 44 günlük Vətən müharibəsində Azərbaycan əsgəri dünya hərb tarixinə yeni səhifələr yazdı. Bu barədə daha çox məlumatlara malik olduğunuza inanaraq, vaxtınızı çox almayım.
BAKI METROSUNUN 30 İLLİK “STAJA” MALİK BİR SƏRNİŞİNİ KİMİ SİZƏ MÜRACİƏT EDİRƏM! 
QARŞIDAN NOVRUZ BAYRAMI, İLAXIR ÇƏRŞƏNBƏLƏR GƏLİR. Sizdən xahiş edirəm, metroda biz sərnişinləri bayram münasibətilə DJEYLƏR, ARTİSTLƏR TƏBRİK ETMƏSİN. 
Azərbaycan artıq DJEYLƏR ölkəsi deyil, FATEHLƏR ölkəsidir. Qoy biz sərnişinləri Kəlbəcərdə, Laçında, Naxçıvanda 20 dərəcə şaxtada xidmət aparan qəhrəman Azərbaycan əsgəri, QAZİLƏR, MİLLİ QƏHRƏMAN ÖVLADLARI, ŞUŞA FATEHLƏRİ, TOPÇU VÜSAL, düşmən əsirliyində belə cəsarət nümayiş etdirən AMİN MUSAYEV, düşməni lərzəyə salan PAŞA LƏQƏBLİ igid və digərləri təbrik etsin. 

Hörtmətlə, 
Aqil Əsədov
Bakı Metropoliteninin 30 illik sərnişini

PS: Səmimi olaraq bildirirəm ki, metro xidmətləri, vaqonlar, təmizlik və s. ilə bağlı hər hansı şikayətim yoxdur. Ümumi inkişaf dinamikasının canlı şahidiyəm və Metropoliten kollektivinə uğurlar arzu edirəm.

Dalidag.az