Sfera.az bildirir ki, o, bu barədə onlayn mətbuat konfransından çıxışı zamanı danışıb. Belə ki, Paşinyan Ermənistan-Türkiyə münasibətlərinin normallaşması üçün formatın yaradıldığını və xüsusi nümayəndələrin ilk görüşünün keçirildiyini xatırladıb.
"Düşünürəm ki, bu dinamika qorunub saxlanılarsa, Ermənistanın Antalya Diplomatik Forumunda iştirak dəvətini qəbul edəcəyi ehtimalı böyükdür. Təbii ki, hər şey indiki vəziyyətdən asılıdır, lakin ən azı ilk görüşdən sonra ehtimal artır. Ermənistan dəvəti qəbul edəcək, çünki proses başlayıb və bu fürsəti əldən vermək ağılsızlıq olardı”, - deyə baş nazir əlavə edib.
Qeyd edək ki, Xarici işlər naziri Mövlud Çavuşoğlu yanvarın 19-da çıxışı zamanı martın 11-13-də keçiriləcək ikinci Antalya Diplomatiya Forumuna (ADF) Ermənistandan da rəsmilərin dəvət edildiyini açıqlamışdı.
Xatırladaq ki, Ermənistandan Türkiyəyə gələn sonuncu şəxs keçmiş prezident Serj Sarkisyan olub. O, 2009-cu ildə Bursada futbol matçına baxıb.sfera.az