Rusiyanı ölkəyə çağırmaq nə deməkdir? - Krımoğlu

09-01-2022 11:30

Qazaxıstanda xoşumuza gəlməyən hadisələr oldu. Amma bizim üçün ən acınacaqlısı budur ki, Tokayev bu hadisəni öz imkanları ilə həll etmək əvəzinə, Rusiyadan kömək istədi. Bunu öz xalqına, dövlətinə xəyanət adlandırmaq olar.
Dalidag.az axar.az-a istinadən xəbər verir ki, bu sözləri Krım tatarlarının məşhur lideri Mustafa Əbdülcəmil Krımoğlu (Mustafa Cəmilov) Qazaxıstanda baş verən son hadisələr haqda danışarkən deyib.
"Rusiyanı öz ölkənə çağırmaq nə deməkdir? Biz Rusiyanın bir ölkəyə girən zaman nə etdiyini Krım nümunəsindən çox yaxşı bilirik. Bu, Qazaxıstan üçün böyük təhlükədir.
Etirazçılarla müzakirə aparmadan onları öldürmək qeyri-insani davranışdır. Gələcəkdə də nə olacağını görəcəyik. Amma bunlar nə Qazaxıstanın, nə də Rusiyanın maraqlarına uyğundur. Rusiya bundan kifayət qədər faydalanacaq. Bəli, 3 min rus əsgəri göndərdilər, amma bunun 3 min, yoxsa 30 min olduğunu dəqiq söyləmək mümkün deyil. Çünki Rusiyanın sözlərinə heç vaxt etibar etmək olmaz. Ümid edirik ki, orada sülh bərqərar olacaq və xarici ölkələrin vətəndaşları gedəcək", - deyə Krımoğlu bildirib.


Kateqoriya: Sosium
Tarix: 09-01-2022 11:30
Baxış sayı: 3153
Adınız:*
E-Mail:
Şərhiniz:
Kodu yazın: *
yenilə, əgər kod görünmürsə
Yazı axını