Azərbaycan-Ermənistan sərhədinin delimitasiya və demarkasiyası məsələsində son günlər ən çox müzakirə olunan 1926-29-cu il xəritələridir.
Dalidag.az xəbər verir ki, hazırda ictimaiyyətə açıq olan xəritələrdən biri də 1928-ci il xəritəsidir. Həmin xəritədə ən çox 3 məqam diqqəti çəkir.
1. Xəritədə Ermənistan ərazisinə aid edilən toponimlərin hamısı Azərbaycan adlarıdır. Hətta indi “Yerevan” kimi yazılan şəhərin adı da olduğu kimi – İrəvan olaraq göstərilir.
2. Naxçıvanın Kərki istiqamətində sərhəd xəttində Kərkinin anklav kimi göstərilməsi yoxdur. Bu isə o deməkdir ki, Kərki tam olaraq Naxçıvan MR-in sərhədləri daxilində olub.
3. Axura yaxınlığından keçən sərhəd xətti Keşişkəndə daha yaxındır və daha sabitdir. Yeni xəritədə isə bu xəttin Naxçıvana doğru kəskin çəkilməsi və həmin hissədə ərazilərin 1928-ci ildən sonra verildiyi aydın görünür./axar.az

Dalidag.az