Koronavirusa qarşı görülən tədbirlər çərçivəsində yeni evlənən cütlüklər üçün onlayn nikah təşkil olunur.

Bu barədə “HaberGlobal” məlumat yayıb.
Bildirilir ki, yenilik Türkiyənin İstanbul şəhərində, Ümraniyyə bələdiyyəsində həyata keçiriləcək.
Vətəndaşların sağlamlığının müdafiəsi üçün nikah mərasimlərinə gəlin və bəyin yaxınlarının gəlməsinə icazə verilmir. Mərasimə ancaq cütlüklər və nikah şahidləri buraxılır.
Bu səbəbdən cütlüyün xoşbəxtliyinə şahidlik etmək istəyən qohumlar üçün onlayn tətbiqə başlanılıb: nikah mərasimləri internetdən canlı yayımlanır.
Məlumata görə, bələdiyyədə gün ərzində orta hesabla 15 nikah bağlanır.

Dalidag.az