Kəlbəcərli şair-publisist, Azərbaycan Yazıçılar Birliyi və Azərbaycan Jurnalistlər Birliyinin üzvü Ələmdar Keştəkliyə ağır itki üz verib. Onun ömür-gün yoldaşı Şərafət Həsən qızı Əmiraslanova uzun sürən xəstəlikdən sonra vəfat edib. "Dalidag.az" kollektivi və Azərbaycan Jurnalistlər Birliyinin Kəlbəcər bölməsi olaraq Ələmdar Keştəkliyə, övladlarına və bütün doğmalarına dərin hüznlə başsağlığı verir, kədərlərinə şərik olduğumuzu bildiririk. Allah rəhmət eləsin!

Bir müddət əvvəl azaraq, Ermənistan Respublikası ərazisinə (Tavuş rayonuna) keçən Azərbaycan Respublikası vətəndaşı Yaşar Əli oğlu Qasımov Azərbaycana təhvil verilib. Dalidag.az xəbər verir ki, bu barədə Ermənistan Milli Təhlükəsizlik Xidməti məlumat yayıb. Qeyd olunub ki, çoban oktyabrın 24-də Azərbaycanın müvafiq orqanlarına təhvil verilib.