“Əgər Ermənistan hakimiyyəti Qarabağı Azərbaycan ərazisi kimi tanıyıbsa, onda Rusiyadan nə istəyir?”.
Dalidag.az xəbər verir ki, bu sözləri Ermənistan parlamentinin üzvü Tiqran Abramyan deyib.
O bildirib ki, Rusiya Xarici İşlər Nazirliyi sözügedən bəyanatın danışıqlar prosesinin məntiqini kökündən dəyişdiyini qeyd edib.
“Rusiya XİN bildirir ki, hazırki vəziyyyətə görə məsuliyyəti üçüncü ölkələrin üzərinə yükləmək olmaz. Yəni Rusiya tərəfi deyir ki, əgər Ermənistan hakimiyyəti Qarabağı təslim edibsə, onda bizdən nə istəyir?”, – deyə Abramyan bildirib.
Abramyanın sözlərinə görə, 2022-ci ildə baş tutan Praqa görüşündə Paşinyan açıq şəkildə Qarabağı Azərbaycanın bir hissəsi kimi tanımaq niyyətini ortaya qoydu. Məhz bundan sonra  Rusiya tərəfi də artıq bir neçə dəfə oxşar məzmunlu siqnallar verməyə başladı.