Hər işin başlanğıc nöqtəsi məqsəddir. Məqsəd varsa, məram da var. Məram isə müəyyən bir hədəfə hesablanmış amildir. Əslində amaldır. Qarşına qoyduğun məqsədlə qət etdiyin yolda məramına yetmək, məqamına ucalmaq, hədəfinə çatmaq çalışqanlıq, əmək, zəhmət tələb edir. Biz də illər əvvəl, daha dəqiq, 2016-cı ilin avqust ayının 1-də "Manevr.az" olaraq, çətin və məsuliyyətli işə başladıq. Həm də heç bir maddi kömək olmadan və az tərkibli kollektivlə. Çalışdıq, əmək sərf etdik, əziyyətlərə qatlaşdıq.