Bərdə rayonunun Zümürxan kəndində fəaliyyət göstərən Kəlbəcər rayon 80 nömrəli tam orta umumtəhsil məktəbinin kollektivi öz iş yoldaşları, şair Kamil Təbib Kəlbəcərlinin 65 illik yubileyini keçirilib. 

Məktəbin direktoru Qabil Həsənəliyev yubilyarın həyat yolu haqqında danışarkən Kamil Təbib Kəlbəcərlinin həm bir şair kimi, həm də pedoqoq kimi şərəfli bir həyat yolu keçdiyini, məcburi köçkünlük illərində onun Vətənə, doğma Kəlbəcər həsrətinə aid yazdığı şeirlərin  hər bir həmyerlimiz üçün məlhəm olduğunu bildirdi. Yubileydə şairin iş yoldaşları  onun yaradıcılığından nümunələr söyləyərək onu təbrik ediblər.  Qeyd edək ki, Kamil Təbib Kəlbəcər rayonunun Qalaboyun  kəndində doğulub boya-başa çatmıb.  O,  iki şeirlər kitabının müəllifidir və dəfələrlə dövlət televiziya kanallarında Kamil Təbibin yaradıcılığına həsr olunan verilişlər  aparılıb.   Biz də şair Kamil Təbib Kəlbəcərlini  65 illik yubileyi münasibəti ilə təbrik edir, ona yeni - yeni yaradıcılıq uğurları arzulayırıq.


Oqtay SALAHLI,
 Azərbaycan Jurnalistlər Birliyinin üzvü
Dalidag.az