Mart ayının 6-da vətəndaş Pərviz Rəşid oğlu Əsgərovun “Dalidag.az” saytında "Kəlbəcərdən olan keçmiş məcburi köçkün Pərviz Rəşid oğlu Əsgərov Prezidentdən kömək istədi" sərlövhəli şikayət məktubu dərc edilib. Sözsüz ki, tərəfsiz media təmsilçisi olaraq oxucunun mövqeyini işıqlandırmaq, ictimailəşdirmək bizim vəzifə borcumuzdur. Məsələni kökündən araşdırmaq isə digər qurumlara aiddir. 

“Dalidag.az” saytının elektron poçtuna "Electro İndustries" QSC-nin direktoru Emin Qurbanovun qarşı tərəfin mövqeyini bildirən məktubu daxil olub. Sözügedən məktubu təqdim edirik:

"Pərviz Rəşid oğlu Əsgərovun “Yapsan” MMC-nin  “Electro İndustries” QSC ilə müxtəlif işlərin icra olunması ilə əlaqədar  bağlanmış subpodrat müqaviləsi üzrə öhdəliklərinin müxtəlif təsirlərlə “Elektro İndustries” QSC tərəfindən yerinə yetirilməməsinə görə əmək haqqılarının ala bilməməsi barədə “Dalidag.az” saytına müraciətləri ilə əlaqədar aşağıdakıları bildiririk:
-2016-cı ildən “Yapsan” MMC ilə “Electro İndustries” QSC arasında bağlamış subpodrat müqavilələri üzrə ödənişləri tam aparılıb. 
-“Electro  İndustries” QSC  ilə subpodratçı  “Yapsan” MMC arasında  13 mart 2019-cu il tarixli, Eİ-SPM-030/19 saylı müqavilə ilə əlaqədar tərəflər arasında məhkəmə çəkişməsi olmuşdur.  Bakı Kommersiya Məhkəməsinin  16.12.2022-ci il,  e-2-2(113)-241/2022 nömrəli  qətnaməsi ilə  “Yapsan” MMC-nin “Electro  İndustries” QSC-yə qarşı iddiası təmin edilməmiş, “Yapsan” MMC apellyasiya şikayəti vermiş və Bakı Apelyasiya  Məhkəməsinin 12.04.2023-cü il,  2-2(113)-342/2023 nömrəli qətnaməsi ilə “Yapsan” MMC   apellyasiya şikayəti  təmin olunmamışdır", məktubda deyilir.

Dalidag.az