Məryəm Aslanqızı 

Sevinc Qəribin təqdimatında "Bir ruh əsintisi..." rubrikasının növbəti şeir ərmağanı Məryəm Aslanqızı  yaradıcılığlndan:

***
Sıxıb ürəyinin suyunu içsən,
Könlündən qırılıb köksünə köçsən.
Baxıb görəndə ki, yoxsan bir heçsən,
Onda bilərsən ki, darıxmaq nədir....

Bilməzsən bir səsə necə vuruıdun,
Bilməzsən bulaqtək necə duruldun.
Bilməzsən dünyadan necə qırıldın,
Onda bilərsən ki, darıxmaq nədir......

Dünyanın ən gözəl günün bilərsən,
Dünyanın ən gözəl gülün bilərsən,
Özünə ən gözəl ölüm dilərsən ,
Onda bilərsən ki, darıxmaq nədir.....

Hər gün yol gedərsən bir cərgə ilə,
Hər gün yol gedersen bir kölge ilə.
Hər gün üzülərsən bir bəlkə ilə,
Onda bilərsən ki, darlxmaq nədir.

Bunun Meryem kimi bir əsiri var,
Bəyi var, Xanı var, yüz Vəziri var.
Baxarsan nə tamı, nə kəsiri var,
Onda bilərsən ki, darıxmaq nədir.

Çıxarsan eyvana, evə girərsən,
Qara qarışqanı dəvə bilərsən,
Çaşıb mənim kimi sevə bilərsən,
Onda bilərsən ki, darıxmaq nədir..

Dalidag.az