Mehdi Cəlal

Sevinc Qəribin təqdimatında "Bir ruh əsintisi..."rubrikasının növbəti şeir ərmağanı Mehdi Cəlal yaradıcılığından:

HƏDİYYƏ

Bahalıya gücüm yetmir,
Ucuz da almaram sənə...
Tanrım uca sevgi verib;
Ta borclu qalmaram sənə. 

Sevənin dili lallanır,
Qisməti gendən dolanır.
Ömür-gün elə bulanır;
Axıb,- durulmaram,- sənə.

Mövlamnan badə almışam,
Səhrada naçar qalmışam.
Məcnundan betər olmuşam, 
Layiq yar olmaram sənə.

Baxışında şimşək çaxdı,
Dünyamı yandırıb-yaxdı.
Oddan gözüm elə qorxdu;
Bir də vurulmaram sənə...

Dalidag.az