Süleyman Sərraf

Sevinc Qəribin təqdimatında "Bir ruh əsintisi..." rubrikasının növbəti şeir ərmağanı Süleyman Sərraf yaradıcılığından:

* * *
Mən gəlirəm Sənə sarı,
Yıxılmağa qoyma məni.
Yer də Sənin, göy də Sənin,
Sıxılmağa qoyma məni.

Sən göndərdin məni Yerə,
Yurdum oldu bu dağ, dərə.
Həsrətindən könlüm kürə,
Ah olmağa qoyma məni.

Görünür dərgahın yolu,
Tək Sənsən halımdan hali.
Bir dərvişəm, əmir qulu,
Şah olmağa qoyma məni.

Sən yaşatdın, mən yaşadım,
Sən yüklədin, mən daşıdım.
Nəfsi özümdən boşadım,
Yox olmağa qoyma məni.

Dalidag.az