Səfa Rəşid

Sevinc Qəribin təqdimatında "Bir ruh əsintisi..."  rubrikasında növbəti şeir ərmağanı Səfa Rəşid yaradıcılığından:

***
Ömür bitdi...gün olmadı mənimki,
Bir gülərüz üzdə qalıb min ahım.
Bundan belə darıxmağa nə var ki,
Ayrılığı sal yadıma, darıxım.

Ayrılığı sal yadıma, darıxım,
Beli kəmər çiçəklərə əlvida.
Arzular var, ürəyimdə bir qubar,
Açılmayan ləçəklərə əlvida.

Ayrılığı sal yadıma, darıxım,
Şeir var ki, urəyimin özüdü.
Bir həftəlik deyil axı ayrılıq,
Dodağımın isinməyən sözüdü.

Ayrılığı sal yadıma, darıxım
Səndən sonra dərdlərim var, təzədi.
Kürəyimdə ağrıların yenisi,
Əllərimi barmaq izin bəzəmir...

Ayrılığı sal yadıma, darıxım,
Bir ağrı ol ürəyimi sıx indi.
Sən özün də darıxmağı sevirsən,
Darıxmırsan, urəyimdən çıx indi...

Dalidag.az