Reyhan Kənan 

Sevinc Qəribin təqdimatında "Bir ruh əsintisi..." rubrikasının növbəti şeir ərmağanı Reyhan Kənan yaradıcılığından:

QARIŞQA GÜCÜ

İllər keçib gedər, səndə dayanmaz,
Zülmət bir ürəkdə ümid oyanmaz,
Özünü dünyada günahkar sanmaz,
İnsanın şərəftək baş tacı varsa.

Qaranlıq tunelin işığı uzaq,
Parlayan gözlər var,bəlkə, yalquzaq!..
Kimsə bu tuneldə heç azmayacaq,
Ümiddən tutmağa ip ucu varsa.

Məndən nə qalacaq, səndən nə görək,
Hər dərdə, əzaba dözdü bu ürək,
Pislik nəyə gərək, dərd nəyə gərək,
Yaxşı əməllərim ömrə yararsa.

Bəlkə, daşımağa haqlı deyilik,
Sevgisiz ürək də bədənə bir yük.
Heç nə ola bilməz sevgidən böyük,
Ürəkdə qarışqa gücü yaşarsa.

Dalidag.az