Fərid Muradzadə

Dalidag.az Fərid Muradzadənin yeni şeirini təqdim edir:

ASTACA-ASTACA AXIR HƏKƏRİ

Bosaldı ilgəyi, töküldü yüküm
Sanki tənhalığım yox oldu bütün,
Otuz il həsrətin sonunda bu gün,
Ruhumu oxşayır çay ləpələri
Astaca-astaca axır Həkəri.

Yatağı, binəsı lap göyçək olub,
Dörd yanı al-əlvan, gül-çiçək olub,
İlahi, nə qədər sevincək olub,
Qıvrila-qıvrıla keçir kəndləri
Astaca-astaca axır Həkəri.

Qaynayır,çaglayır gümüş suları,
Ruhumu oxsayır gümüş suları,
Buz kimi parlayır gümüş suları,
Ötürüb illəri, qərinələri 
Astaca-astaca axır Həkəri.

Sirdir, möcuzədir su şəklindəki,
Min illik möhürdür yurd yerindəki,
İlahi nəğmədir su dilindəki,
Əfsunlu səsiylə tutub bizləri
Astaca-astaca axır Həkəri.

Köpüklü suları salır hay-həşır,
Mamırlı daşlarla sular güləşır,
Həkəri, Bərgüşad yolda birləşir,
Dilbər guşələrin ğülür gözləri 
Astaca-astaca axır Həkəri.
 
02.07.2025
Laçın-Zabux kəndi

Dalidag.az