Fərid Muradzadə

Durmuşdum beləcə, üzü göylərə, 
Tanrımı göndərdi, özünmü gəldin?(Rüstəm Behrudi)

ÖZÜNMÜ GƏLDİN?

Səni bu pəjmürdə dərdli halıma,
Tanrımı göndərdi, özünmü gəldin? 
Səni təkliyimə, tənhalığıma, 
Tanrımı göndərdi, özünmü gəldin? 

Saralan ömrümə tər çiçək qadın,
Ay həlim, ay ürkək, a göyçək qadın,  
Göydən yerə endin, ağ mələk qadın ,
Tanrımı göndərdi, özünmü gəldin? 

Ətrin qızılgülün qoxusu kimi ,
Yanğımı söndürdü səsin, su kimi, 
Yorğun gözlərimin yuxusu kimi,
Tanrımı göndərdi, özünmü gəldin? 

Gözümdə böyüyür, uzanır yollar, 
Məni uzaqlara çəkir xəyallar, 
Ard-arda köksümü dəlir suallar
Tanrımı göndərdi, özünmü gəldin? 

Dalidag.az