Şəhriyar Heydər

Sevinc Qəribin təqdimatında "Bir ruh əsintisi..." rubrikasının növbəti şeir ərmağanı Şəhriyar Heydər yaradıcılığından:

* * *
Bəlkə də bir axşam Allah gələcək,
Yığacaq başına yaratdıqların.
Hal-əhval tutacaq bir-bir hamıdan,
Saracaq yarasın qanatdıqların.

Bəlkə də deyəcək, ey bəndələrim,
Əfv edin, mən sizi, çox gözlətmişəm!
Sizlə görüşməyə üzüm yox idi,
Bu üzdən üzümü mən gizlətmişəm.

Bəlkə də şeytan da gələcək, o gün,
Bu kosmik düşmanlar barışacaqlar.
Dünyada ilk acı xatirə kimi,
Adəmdən, Həvvadan danışacaqlar.

Bəlkə də bir axşam Allah gələcək
Gəlib ləğv edəcək, ölüm qərarın
Pay da gətirəcək xoşbəxtlik adlı,
Deyəcək, sizindir, verdim, aparın.

Dalidag.az