Şəhla Vahid

Sevinc Qəribin təqdimatında "Bir ruh əsintisi..." rubrikasının növbəti şeir ərmağanı Şəhla Vahid yaradıcılığından:

ÖZGƏ QİSMƏTİ

Artıq toplamışam xatirələri,
Əlvida yapışıb dodaqlarıma.
Qoy yığım qırılmış ümidlərimi,
Gedəndə batmasın ayaqlarına.

Yenə açılmadı boğça arzular,
Yenə qat kəsəcək düyün yerindən.
Sel basmış zəmiyə döndü gümanım,
Nəyi göyərdəcəm, nəyin yerindən.

Hardan xışmaladım özgə qismətin,0
Hardan ürəyimə sıxıb sevindim.
Ağrıdım saçımdan dırnağımadək,
Nə vaxt taleyimə baxıb sevindim.

İlahi, az yellə beşik ömrümü,
Onsuzda susmuşam, kirimişəmki.
Elə sürünmüşəm üzü aşağı,
Nə vaxt qaldırmısan, yerimişəmki?

Dalidag.az