Arzu GÖYTÜRK

Sevinc Qəribin təqdimatında "Bir ruh əsintisi..." rubrikasının növbəti şeir ərmağanı Arzu GÖYTÜRK yaradıcılığından:

DƏRDİMİ

Mən sənə dərdimi azalt demişdim,
Dərd verdin, eylədin qoşa dərdimi.. 
Tükənir sanırdım, bitir sanırdım,
Yenidən qaytardın başa dərdimi.. 

Səndə zərrə qədər insaf yox imiş, 
Yəqin qəlb qırmağa etmisən vərdiş. 
Susmaq qızıl imiş, danışmaq gümüş, 
Sənə danışmışam boşa dərdimi..

Gözümü ağlatdın, gözüm gülməyir, 
Mən daha ölmüşəm, sevgim ölməyir.
Dilim bəddua da, edə bilməyir,
Deməyə qıymıram "yaşa dərdimi" .

Bəxtim həsrət verdi, çəkəm yenə də,
Gözümdən qanlı yaş tökəm yenə də. 
Yenə də tənhayam, təkəm yenə də,
Daha danışacam daşa dərdimi...

Dalidag.az