Sülhiyyə Musaqızı

Sevinc Qəribin təqdimatında "Bir ruh əsintisi..." rubrikasının növbəti şeir ərmağanı Sülhiyyə Musaqızı yaradıcılığından:

* * *
Tanrım, bilirsənmi, gündə neçə yol,
Dara çəkir yazmadığım söz məni,
Can alır, can verir gündə neçə yol,
Şeir, bir Sən olub öldürür məni?
     
Neçə yol mən oluram, sən oluram,
Olumda, ölümdə var, yox oluram,
Keçib candan, birdən mələk oluram,
Söz doğulur, ölür ağlayır məni?
     
Ölmüşəm kimi ağ da bağlayır məni,
Qoyub ürəyi darda ağlayır məni,
Tanrım, bilirsənmi gündə neçə yol,
Söz qaraya büküb dağlayır məni,
     
Fikirə can qatır ,dözüm söz olur,
Məzmun, xəyal, duyğu ağlayır məni,
Eldən keçən ürəyimə dərd olur,
Göydən yaşın töküb, ağlayır məni?

Gündüzlər gecənin ahını alır,
Ruhdan keçən şeir ağlayır məni,
Könlümə qan vurur ağlayır məni,
Yuxudan buta gəlir bağlayır məni?!

Tanrım, bilirsənmi, gündə neçə yol,
Dara çəkir yazmadığım söz məni,
Can alır, can verir gündə neçə yol,
Şeir, bir Sən olub öldürür məni?

Dalidag.az