Lətafət Abiyeva

Sevinc Qəribin təqdimatında "Bir ruh əsintisi..." rubrikasının növbəti şeir ərmağanı Lətafət Abiyeva yaradıcılığından:

BƏLƏDÇİ SƏNSƏN

Buracan yollarım daş-kəsək isə,
Neynirəm çəməni ta indən belə?!
Payız çiçəyində cazibə olmur,
Əyilib öpsə də əlindən belə....

Bu ömrün himninə çevrilib artıq,
Köç edən durnanın vida nəğməsi.
Nə yaman mürəkkəb suala döndü 
Göylərdən asılan ümidin "bəs"i?!

Burda "qu" səsindən qulaq tutulur,
Boz rəngdə sökülür burda dan yeri.
İlahi, bu qədər adam içində
Göynəyir içimdə bir adam yeri...

Bəlkə göydən yaram yaxşı görünmür?!
Qorxarsan görüncə - bu yerə ensən.
Daha gedəmmirəm, karvanı göndər,
Mən naşı yolçuyam, bələdçi sənsən...

Dalidag.az