Bakı Dövlət Universitetində el şairi Sücaətlə bağlı tədbir keçirildi.

Dalidag.az xəbər verir ki, tədbiri giriş sözü ilə açan BDU-nun filologiya fakültəsinin dosenti Məti Osmanoğlu  ümumi Kəlbəcər ədəbi mühiti, Aşıq Şəmşir və Səməd Vurğunun İstisuda görüşü, bu görüşün Kəlbəcər ədəbi mühitinə müsbət təsiri haqqında məlumat verdi. BDU-nun folklorşünaslıq ixtisası üzrə doktorantı Jalə Nağıyeva şairin həyat və yaradıcılığı haqqında dolğun məlumat verdi. Həbsə düşməsinin səbəbləri, məhbəs şeirləri, çap olunmuş kitablarından bəhs etdi və yaradıcılığından nümunələr səsləndirdi.

Tədbirə dəvət olunmuş qonaqlardan  İtv-nin “Ozan məclisi” proqramının aparıcısı Qorxmaz Tofiqoğlu Sücaət yaradıcılığını  bir neçə söz ustadının , xüsusilə Qaracaoğlan, Nüsrət Kəsəmənli yaradıcılığı ilə müqayisə etdi. Həmçinin bu gün Kəlbəcərlilərin Kəlbəcərli kimi qalmasında Sücaətin rolunu vurğuladı. Şairin yaradıcılığından nümunələr səsləndirdi. Aşıq Ədalət Dəlidağlı Sücaətlə bağlı xatirələrindən danışdı, sazda şeirlərini ifa etdi. Aşıq Əli Zeynalabdınovun ifasında şairin bir şeiri səsləndirildi. BDU-nun tələbələrinin ifasında Sücaətin şeirləri səsləndirildi. Sonda xatirə şəkli çəkdirildi.

 Jalə Nağızadə 
BDU-nun folklorşünaslıq ixtisası üzrə doktorantı.

Dalidag.az