Azərbaycanın keçmiş daxili işlər naziri İsgəndər Həmidov yanvarın 24-dən etibarən koma vəziyyətindədir. Onun səhhəti, mövcud durumu ictimaiyyətin dədiqqətindədir. Bu günə qədər İsgəndər Həmidovun səhhəti ilə bağlı sosial şəbəkələrdə müxtəlif məlumatlar yayılıb. Hətta İsgəndər Həmidovun ölüm xəbərini yazanlar da olub.
Dalidag.az xəbər verir ki, bütün bunları nəzərə alaraq, daha dolğun məlumat əldə etmək üçün musavat.com-un əməkdaşları İsgəndər Həmidovun müalicə aldığı xəstəxanaya baş çəkib.Xəstəxanada İsgəndər Həmidovun müalicəsi ilə məşğul olan professor Adil Qeybulla ilə həmsöhbət olduq. Adil Qeybulla bildirdi ki, İsgəndər Həmidovun vəziyyəti ağır olaraq qalır, lakin xəstəxanaya gətirildiyi günlə müqayisədə xeyli irəliləyiş əldə edilib.