Məlumdur ki, hal-hazırda bütün dünyada tüğyan edən koronovirus dalğası Azərbaycandan da yan ötməyib.
Dalidag.az bildirir ki, ölkəmizdə koronavirus pandemiyasına qarşı mübarizə tədbirləri çərçivəsində aztəminatlı ailələrin sosial müdafiəsi diqqətdə saxlanılır. Prezident İlham Əliyevin problemlə bağlı çağırışından sonra bütün dövlət orqanları bu işə səfərbər olunub. Xüsusi karantin rejimi müddətində istər dövlət, istərsə də ayrı-ayrı təşkilatlar tərəfindən aztəminatlı ailələrə yardım göstərilir. Kəlbəcər rayon İcra Hakimiyyəti də bu çağırışa qoşularaq, aksiyaya dəstək verib. Belə ki, Bakı şəhərində məskunlaşmış aztəminatlı kəlbəcərli ailələr Kəlbəcər rayon İcra Hakimiyyəti tərəfindən gündəlik zəruri ərzaqla təmin olunub. İcra hakimiyyətinin əməkdaşları sakinlərin ehtiyac və qayğıları ilə maraqlanıb. Sakinlər göstərilən diqqət və qayğıya görə, cənab prezidentə və rayon rəhbərliyinə minnətdarlıqlarını bildiriblər.

Natiq İsmayıloğlu
Dalidag.az