Kəlbəcər Rayon İcra Hakimiyyətinin başçısı vəzifəsindən azad olunacaq.
Dalidag.az xəbər verir ki, fevralın 9-da keçirilən növbədənkənar deputat seçkilərində mandat qazananlardan biri də Kəlbəcər Rayon İcra Hakimiyyətinin başçısı Aqil Məmmədovdur.
Mərkəzi Seçki Komissiyasının (MSK) rəsmi məlumatına görə A.Məmmədov 71,7 faiz səs çoxluğu illə digər namizədləri önləyib.
Yekun nəticə səbəbindən yaxın günlərdə A.Məmmədovun Kəlbəcər rayon İcra Hakimiyyəti başçısı vəzifəsindən azad edilməsilə bağlı ölkə Prezidenti tərəfindən sərəncam imzalanacağı gözlənilir.
Qeyd edək ki, Yeni Azərbaycan Partiyası (YAP) tərəfindən namizədliyi irəli sürülən A.Məmmədov 7 yanvar 2020-ci ildən məzuniyyətdə idi.

Hazırda onun səlahiyyətlərini birinci müavin Eldəniz Mehtiyev icra edir.

Dalidag.az