Xəbər verdiyimiz kimi bu gün Azərbaycanda Gənclər Günü qeyd olunur.
123 saylı Kəlbəcər Seçki Dairəsindən müstəqil namizəd, tanınmış vəkil Əziz Qənbərov bu münasibətlə gənclərə müraciət edib.
Dalidağ.az müraciətin mətnini təqdim edir:

"Əziz gənclər! 
Mən gənclik anlayışını fiziki baxımdan çərçivələndirmək istəmirəm. Hansı yaşda olmasından asılı olmayaraq özünü gənc və enerjili hiss edən, öz fəaliyyəti ilə yaxşı mənada nümunə olan hər kəs gəncdir məncə. Gənclik böyük qüvvədir. Hər birimiz bunu dərk etməli və öz gücümüzü imkanlarımız daxilində xalqımız, vətənimiz, dövlətimiz naminə istifadə etməliyik. Bu istiqamətdə səylərimizi birləşdirməli, daha da güclü olmalıyıq. Gəncliyin gücünü nümayiş etdirmək üçün hər birinizi qarşıdan gələn parlament seçkilərində fəal olmağa, öz taleyimizə biganə qalmamağa çağırıram.
Hər birinizi Gənclər günü münasibətilə təbrik edir, işlərinizdə uğurlar arzu edirəm!"

Dalidağ.az