"Kəlbəcərə Qayıdış" İctimai Birliyi dekabrın 22-də rayon ictimaiyyətinin nümayəndələrini, yaradıcı adamları, ziyalıları bir araya gətirmək istəyir.
Bu barədə Dalidag.az-a İctimai Birliyin sədri Yelmar Mustafa bildirib.
Onun sözlərinə görə, görüşün keçirilməsində əsas məqsəd, Kəlbəcərin işğaldan azad edildikdən sonra rayonun aktiv insanlarını bir araya toplamaq, qarşıdan gələn Həmrəylik gününün ruhuna uyğun olaraq həmrəylik, birlik hisslərini aşılamaqdır: "Qarşıdakı dövrdə Kəlbəcər əhalisinin rayona qayıdışı prosesi gözlənilir. Hazırda Böyük Qayıdış Proqramına uyğun olaraq rayon ərazisində tikinti işləri həyata keçirilir. Ümumi qayıdış məsələlərini birlikdə müzakirə etmək, doğma yurd yerlərimizə qayıdışla bağlı fikir mübadiləsi aparmaq, bizi birləşdirən dəyərləri, adət-ənənələri davam etdirmək üçün səmimi ortamda söhbət etməyi düşünürük", Y. Mustafa qeyd edib.
O, dəvət edilən qonaqların bu çağırışa biganə qalmayacaqlarına ümid etdiyini bildirdi.

Dalidag.az