Məlum olduğu kimi yanvar ayının 17- dən seçki qanunvericiliyinə əsasən bu il fevral ayının 9-da keçiriləcək növbədənkənar deputat seçkiləri ilə əlaqədar deputatlığa namizədlərin təbliğat-təşviqat kampaniyasına start verilib. Kampaniya çərçivəsində namizədlər seçiciləri ilə əyani görüşlər təşkil edir, platformalarını açıqlayır, sakinlərin qayğı və problemləri ilə maraqlanır, təklif və fikirlərini dinləyirlər. Bəzi namizədlər sosial şəbəkələr üzərindən də seçiciləri ilə ünsiyyət yaradır, fikir mübadiləsi aparır. 123 saylı Kəlbəcər seçki dairəsindən namizəd Əziz Qənbərov da təbliğat- təşviqat mərhələsində fəallığını davam etdirərək, seçiciləri ilə daim ünsiyyətdə olur. 
Bu dəfə tanınmış vəkil  sosial şəbəkə üzərindən tərəfdarlarına və kəlbəcərlilərə müraciət edib.
Dalidag.az həmin müraciətin mətnini təqdim edir:

"Hörmətli və dəyərli KƏLBƏCƏRLİLƏRİM!
Mən çox az sayda olsa da məni tənqid edən, məni istəməyən KƏLBƏCƏRLİMİN də deputatı olmaq arzusundayam. Çünki onlar da gec tez haqq yolunda olduğumu hiss edəcəklər.
Kəlbəcər naminə, Kəlbəcərçilik naminə bu yola çıxdığımı qəbul edəcəklər. Onların da içərisində vicdanının səsinə qulaq asıb axşam evdə ailəsi ilə söhbət edərkən ürəkləri mənimlə olduğuna əminəm. Ancaq zamənə insanları özünə biganəçiliyə sürükləyib.
Onlar bir gün sonranı fikirləşsələr görərlər ki, bu hərəkətləri ilə Kəlbəcərə, Kəlbəcərliyə və ən əsası da öz gələcək övladına, qardaşına və s yaxınlarına pislik edir.
İnsan ömrü çox qısadır. Gözləməyəcəyimiz anda ölüm başımızın üstünü alacaq. O zaman dünyadan gedəndə rəhmət aparmaq ən gözəl nemət olacaqdır. Övladın Səninlə fəxrlə danışacaqdır.
Mən buradan mənim çoxsaylı tərəftarlarıma müraciət edərək xahiş edirəm ki, mənə qarşı olan insanlarla maksimum mehriban rəftar edin. Ən azından ona görə ki, onların da daşıdığı ad Kəlbəcərlidir".

Dalidag.az