Dalidag.az sözügedən təbrik məktubunu təqdim edir:

"“Aşıq Şəmşir” Mədəniyyət Ocağı İctimai Birliyiİdarə Heyətinin üzvü Ələmdar Cabbarlıya
Əziz Ələmdar, səni öz adımdan və Mədəniyyət Ocağımızın üzvləri adından doğum günün münasibətilə təbrik edir, sənə uzun ömür və yeni uğurlar arzulayıram.
Babam Ağdabanlı Şair Qurbanın saz-söz çələngi ilə çiçəklənən və atam Aşıq Şəmşirin sənət dünyası ilə zirvələşən Kəlbəcər ədəbi mühiti Azərbaycana bir-birindən gözəl onlarla yazar bəxş edib. Belə gözəl qələm adamlarından biri də mənə övladım qədər əziz olan sən – yurdumuzun şair-alim oğlu – Ələmdar Cabbarlısan. Sənin atan Qəmbər müəllim mənim tələbəlik dostum idi. Onunla 1950-52-ci illərdə Ağdam İkiillik Müəllimlər İnstitutunda birgə oxumuşuq, yaxın dost və məsləkdaş olmuşuq. O rəhmətlikdən sonra dostluq münasibətlərini səninlə davam etdirirəm. Sənin poetik yaradıcılığın, publisistik yazıların və elmi-pedaqoji fəaliyyətin həmişə diqqətimi çəkib. Şeirlərini oxuyanda özümü Kəlbəcərdə hiss edirəm.
Sən “Aşıq Şəmşir” Mədəniyyət Ocağı İctimai Birliyinin İdarə Heyətinin üzvü kimi ictimai fəaliyyətlə də məşğul olursan. Təşkilatımızın həyata keçirdiyi bir sıra mühüm layihələrə uğurla rəhbərlik etmisən.
 Sənə yaradıcılıq yolunda və həyatında böyük uğurlar arzu edirəm. İnşallah Kəlbəcərdə görüşərik.
 Hörmətlə:  
Qənbər Qurbanov
 “Aşıq Şəmşir” Mədəniyyət Ocağı İctimai Birliyini sədri"