Gəncə şəhərində Kəlbəcər rayon sakini bıçaqlanıb. Dalidag.az xəbər verir ki, hadisə məcburi köçkünlər üçün salınmış qəsəbədə qeydə alınıb. Şəxsi münasibətlər zəmnində bıçaq xəsarəti alan Kəlbəcər rayon sakini, 1991-ci il təvəllüdlü M.Əhmədzadə xəstəxanaya yerləşdirilib. Hadisəni törətməkdə şübhəli bilinən isə Ağdam rayon sakini, 1986-cı il təvəllüdlü P.Qasımovdur. Faktla bağlı araşdırma aparılır.

Türkiyə Prezidenti Rəcəb Tayyib Ərdoğanın qərarına əsasən Birol Akgün qardaş ölkənin Azərbaycandakı fövqəladə və səlahiyyətli səfiri təyin edilib. Dalidag.az xəbər verir ki, dövlət başçısının qərarı “Rəsmi qəzet”də dərc olunub. Birol Akgün bundan öncə Türkiyə Maarif Fondunun sədri olub. Prezidentin qərarına görə əsasən xarici işlər nazirinin müavini və Türkiyənin bir sıra ölkələrdəki səfirliklərinə də təyinatlar olub. Belə ki, Zeki Levent Gümrükçü xarici işlər nazirinin müavini təyin edilib.