Azərbaycan Ordusunun müddətli həqiqi hərbi xidmət hərbi qulluqçusu əsgər Omarov Eşqin Nəsib oğlu silahla davranış qaydalarının kobud şəkildə pozulması nəticəsində vəfat edib. Dalidag.az bildirir ki, bu barədə Baş Prokurorluqdan məlumat verilib. Faktla əlaqədar Kəlbəcər Hərbi prokurorluğunda araşdırma aparılır.

Ermənistan silahlı qüvvələri bölmələrinin Kəlbəcərdə törətdiyi təxribat nəticəsində mərmi partlayışı zamanı sol ayağından qəlpə yarası alan Asim Musayev və topuğundan xəsarət alan Arzuman Orucovun durumu normaldır. Dalidag.az-ın xəbərinə görə, A.Musayevin müalicə aldığı xəstəxanadan report-a bildirilib ki, o, xəstəxanaya gətirilən zaman vəziyyəti ağır olub. Buna baxmayaraq, həkimlərin səyi nəticəsində A.Musayevin ayağını amputasiyadan xilas etmək mümkün olub: "Hazırda onun vəziyyəti stabildir".

Şəhid dəfnləri zamanı bir qrup naməlum şəxs peyda olaraq, İran ideoloji kursuna xas dini şüarlar səsləndirirlər. Bu, cəmiyyətdə narahatlıqla qarşılanır. İddialar bundan ibarətdir ki, həmin adamlar qətiyyən səmimi dindarlar deyil, sadəcə din adı altında fürsət düşən kimi İran təbliğatı aparan agent şəbəkə üzvləridir. Ancaq onların heç də hamısının agent şəbəkə adamları olmadıqları, sadəcə cahillikdən, bilməzlikdən prosesə qoşulduqları deyilir. Artıq vəziyyət o həddə çatıb ki, hüquq-mühafizə