Vətən Müharibəsinin 36-cı günü: Noyabrın 1-də nələr baş verdi?

01-11-2021 09:22
Vətən Müharibəsinin 36-cı günü: Noyabrın 1-də nələr baş verdi?

Döyüşlər cəbhənin içərilərinə doğru getdikcə Azərbaycan əsgərinin qarşısına qoyulan tapşırıqlar da kifayət qədər çətinləşirdi. Həmçinin havaların soyuq keçməsi, dağlıq ərazilərdə qatı dumanın olması əsgərlərimiz üçün ciddi çətinlik yaradırdı. Lakin bu çətinlik sadəcə daha da dözüm, qətiyyət, düzgün taktiki əməliyyat şərtlərinin artırılmasını tələb edirdi. Ordumuz isə bütün bunlara lazım olduğundan dəfələrcə çox hazır idi.
Bunun da nəticəsi olaraq, Müdafiə Nazirliyinin məlumatında sutka ərzində cəbhənin müxtəlif istiqamətlərində düşmənin xeyli sayda canlı qüvvəsi, 1 ədəd PDM, 2 ədəd BM-21 “Qrad” yaylım atəşli reaktiv sistemi, 8 ədəd müxtəlif tipli topu, 2 rabitə qülləsi, 5 ədəd avtomobil texnikası məhv edilib və sıradan çıxarıldığı bildirildi.
Noyabrın 1-də ötən gün ərazinin havadan müşahidəsi zamanı cəbhənin Xocavənd istiqamətində hərbi avtomobil kortejinin hərəkəti qeydə alındığı, istiqamətlənmiş və kombinəedilmiş havadan və artilleriyanın dəqiq atəş zərbələri ilə kortejin tərkibində olan bir neçə avtomobilin, şəxsi heyətin məhv edildiyi bildirildi və məhv etmə kadrları nümayiş olundu.
Artıq düşmənin son çırpınışları idi. Çünki düz 8 gündən sonra Ermənistan ordusu məğlub olduqlarını qəbul edəcəkdi.
 








Kateqoriya: Qarabağ
Tarix: 01-11-2021 09:22
Baxış sayı: 2264
Adınız:*
E-Mail:
Şərhiniz:
Kodu yazın: *
yenilə, əgər kod görünmürsə
Yazı axını