Türkiyədə yaşayan həmyerlimiz, tanınmış iş adamı Mübariz Mənsimovdan daha bir vətənpərvər və nəcib addım: “Palmali Holding”ə məxsus gəmilərə şəhidlərimizin adı veriləcək. 

"Mübariz Mənsimov başda olmaqla “Palmali Holding”in İdarə Heyətinin qəbul etdiyi qərara əsasən, “Palmali Holdinq”ə məxsus gəmilərin adları dəyişdiriləcək. Bu gündən etibarən gəmilər Vətən uğrunda savaşlarda canlarından keçən, qəhrəmancasına həlak olmuş şəhidlərimizin adlarını daşıyacaq" 

Dalidag.az bildirir ki, bu barədə "Palmali Holding"in əməkdaşı Fidan Quliyeva məlumat verib: 
"Məqsəd şəhidlərimizin adlarını ucaltmaq və dünya sularında tanıtmaqdır. İdarə Heyətinin qərarı ilə ilk gəmi General Polad Həşimovun adını daşıyacaq. Təntənəli mərasim Yalovada Doğruyol tərsanəsində baş tutacaq. Gəminin yola salınma mərasimində Azərbaycan və Türkiyədən qonaqlar iştirak edəcəklər"-, deyə o vurğulayıb.

Dalidag.az