Noyabrın 10-da Goranboy rayonunun Gülüstan kəndi ərazisində Azərbaycan Ordusunun hərbi qulluqçusu İbrahimov Qədim Xaliq oğlu Ermənistan silahlı qüvvələrinin bölmələri tərəfindən əvvəlcədən basdırılmış piyada əleyhinə minaya düşərək xəsarət alıb. Müdafiə Nazirliyindən bildirilib ki, hərbi qulluqçumuz dərhal yaxınlıqdakı hərbi tibb məntəqəsinə təxliyə edilib. Vəziyyəti kafidir.

8 Noyabr – Zəfər Günü ilə bağlı Şuşada tədbirlər keçiriləcək, atəşfəşanlıq olacaq. Dalidag.az xəbər verir ki, bu barədə Şuşa Şəhəri Qoruq İdarəsi məlumat yayıb. Bildirilib ki, Zəfər Günü ilə əlaqədar Bayraq meydanının qarşısından Şuşa Qalasına qədər hərbi yürüş baş tutacaq. Tədbir çərçivəsində məktəb şagirdlərinin ifasında bayram nümayişi olacaq, həmçinin sakinlərin, uşaq, yeniyetmə və gənclərin rəsmlərindən və əl işlərindən ibarət sərgiyə baxış olacaq. Bundan əlavə, Şuşa Dövlət Musiqili Dram

Artıq onlar da məcburi köçkün deyillər və uzun illərin ayrılığından sonra doğma yurda qovuşublar. Şuşaya qayıtmağın həyəcanını və sevincini böyüklərlə yanaşı uşaqlar da yaşayırlar. İndi açarları təqdim edilən mənzillərdə onların yeni həyatı başlayır: əmin- amanlığa, rifaha, xoş günlərə vəsilə olsun! 8 noyabr 2020-ci ildə tarixi zəfər xəbərini çatdıran Müzəffər Ali Baş Komandanın dediyi kimi "Əziz Şuşa, biz qayıtmışıq". Qeyd edək ki, hazırda burada 220 ailə (823 nəfər) daimi məskunlaşıb.

Qaçqınların və Məcburi Köçkünlərin İşləri üzrə Dövlət Komitəsi Xankəndi şəhərində, Ağdərə və Xocalı rayonlarında Azərbaycan Respublikası Prezidentinin xüsusi nümayəndəliyinin dəstəyi ilə videoqrafların Ağdərə rayonunun Talış kəndinə və Suqovuşan qəsəbəsinə səfərini təşkil edib. Bu barədə Dalidag.az -a Dövlət Komitəsindən bildirilib. Qonaqlar səfər çərçivəsində Ağdərə rayonunun Talış kəndini və Suqovuşan qəsəbəsini ziyarət edib, burada yaradılan şəraitlə tanış olub, sakinlərlə söhbətləşiblər.

Birinci Qarabağ müharibəsində itkin düşmüş şəxslərin ailə üzvlərinin bir qrupu Ağdam, Xocalı, Xankəndi və Şuşa şəhərinə səfər ediblər. Dalidag.az xəbər verir ki, “Qarabağ İtkin Ailələri” İctimai Birliyinin xətti ilə 40 nəfərdən ibarət itkin ailələri öncə Ağdam şəhər şəhidlər xiyabanına gəliblər. Onlar burada işğalçı Ermənistan ordusu tərəfindən dağıdılmış şəhid məzarlarını ziyarət edib, məzar üzərinə çiçək dəstələri düzüblər. Sonra səfər heyəti Xocalı rayonuna gələrək müharibə illərində itkin

Xankəndi şəhərində yerləşən Mədəniyyət mərkəzinin binası bərpa ediləcək. Dalidag.az bu barədə Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinə istinadən xəbər verir. Məlumata görə, artıq bununla bağlı hazırlıq işlərinə başlanılıb, müvafiq layihə hazırlanır.

Şanlı Zəfər tariximizin bu günü Zəngilanın Ağalı kəndinin azad edilməsi ilə bağlıdır. 4 il öncə məhz bu gün, oktyabrın 28-də Ağalı kəndi işğaldan azad edilmiş digər yurd yerlərimizin sırasına qoşuldu. Qələbədən sonra tez bir zamanda Ağalının sakinləri öz doğma-yurd yuvalarına qovuşub, yeni evlərində yeni həyata başladılar. Dalidag.az xəbər verir ki, Cəbrayıl, Qubadlı və Zəngilan rayonlarında Azərbaycan Respublikası Prezidentinin xüsusi nümayəndəliyi Ağalı ilə bağlı videorolik hazırlayıb. Həmin

Ermənistan silahlı qüvvələrinin Bərdənin Qarayusifli kəndində törətdiyi terror aktından 4 il ötür. 44 günlük Vətən müharibəsi dövründə Ermənistan silahlı qüvvələri növbəti terroru Bərdə rayonunun Qarayusifli kəndində törədib. 2020-ci il oktyabr ayının 27-də Ermənistan silahlı qüvvələri tərəfindən Bərdə rayonun Qarayusifli kəndinə 2 ədəd “Smerç”, 2 ədəd “Elbrus” ballistik raketi atılıb. Nəticədə biri azyaşlı olmaqla, 5 nəfər həyatını itirib, 14 nəfər isə müxtəlif dərəcəli bədən xəsarətləri alıb.

Beynəlxalq nəqliyyat dəhlizləri ölkələr və regionlar arasında iqtisadi və ticarət mübadiləsinin daşıyıcısıdır. Beynəlxalq nəqliyyat dəhlizləri müəyyən məsafələr və nəqliyyat imkanları ilə birləşən müxtəlif ölkələri və regionları əhatə edir. Beynəlxalq nəqliyyat dəhlizləri siyasi sistem, iqtisadi vəziyyət, mədəni müxtəliflik, dini inanc, adət-ənənə norması, ekoloji qaydalar, sosial idarəetmədə çoxlu fərqlərlə üzləşən bir çox ölkə və regionu əhatə edir. Sistem və tənzimləmə norması, beynəlxalq

Bu gün Qubadlı şəhərinin işğaldan azad olunmasından 4 il ötür. Müzəffər Azərbaycan Ordusu 2020-ci il oktyabrın 25-də Qubadlı şəhərini işğalçılardan azad edərək üçrəngli bayrağımızı 30 ilə yaxın müddətdən sonra həmin ərazilərdə qürurla dalğalandırıb. 2020-ci il oktyabrın 25-də Azərbaycan Prezidenti, Müzəffər Ali Baş Komandan İlham Əliyev Zəngilan, Cəbrayıl, Qubadlı rayonlarının bir neçə kəndini və Qubadlı şəhərinin işğaldan azad edildiyini açıqlayıb. Qubadlı rayonunun işğaldan azad olunması