Lakin burada bir vacib məsələ də var. Hər bir məcburi köçkün öz ata ocağında çıraq yandırmalıdır! Bu ocaqlarda çıraq yanmasa, babaların ruhu bizi bağışlamaz! Bu günlərdə ARB  kanalında bir alim məcburi köçkünlərin qayıdışı barədə öz təkliflərini verirdi. Aparıcı Rəhman Rəsulovun "Sizcə işğaldan azad olunmuş şəhər və kəndlərimiz necə bərpa olunmalıdır?" sualına belə bir eybəcər cavab verdi:

-Kəlbəcərdə 148 kənd var. Bu kəndlərin hamısına dövlət yenidən yol çəksə, hər bir kəndin bütün infrastrukturunu bərpa etsə, buna uzun illər lazım gələcəkdir. Məncə, bu rayonda dövlət tərəfindən ən çoxu 50 yaşayış məntəqələsi salınar, bütün kəndlərin sakinlərini bu qəsəbədə yerləşdirmək olar. Belə fikirləsənlər də var. Amma doğma ata yurdunun qədrini bilənlər daha çoxdur. Onlar bilirlər ki, ata yurdu müqəddəsdir. Onu heç bir ağıllı kənd və şəhərlə dəyişməzlər! Bu, təkcə bu sətirlərin müəllifinin fikri deyil, söhbət və müzakirələr apardığımız bütün məcburi köçkünlərin fikridir. "Ata yurduna qayıdandan sonra  oranı necə görmək istəyirsiniz?"-deye soruşduqda demək olar ki hamı ata yurdunda ev tikəcəyini, ata ocağının qalayacağını dedi. Yaxşı olardı ki, dövlətimiz hər kəsə ata yurdundakı evini bərpa etməyə şərait yaratsın. Hər kəs ata ocağında bir ev tiksin. Məsələn, işğaldan əvvəl Kəlbəcər rayonunun Başlibel kəndində 400-dən çox ev var idi. Tutaq ki,  Əliş Muxtarovun  Kəlbəcər rayonunu işğal olunanda iki oğlu vardı: Böyük oğlu Vəliş, kiçik oğlu Əli. Bu gün Kəlbəcərə qayıdış ərəfəsində Vəlişin 4 oğlu, Əlinin isə 3 oğlu var. Hər biri ailəlidir. Başlibelə qayıdarkən yaxşı olardı ki, Əliş kişinin 7 nəvəsindən biri öz atası ilə Əliş kişinin evinin yerində özlərinə ev tiksinlər. Digər qardaşlar isə kəndin kənarında tikilən yeni ağıllı kənddə məskunlaşsınlar. Bu ən ədalətli seçim olardı. Bu halda, həm ata ocağı yanacaq həm də, müasir "ağıllı kənd"prinsipi həyata keçəcək. Digər bir məsələ ondan ibarətdir ki,kənddə yaşayan hər bir ailə heyvandarlıqla məsgul olur. Onun tovləsi olmalı, heyvanlarını həmin tovlələrdə saxlamalıdır. Bu halda "ağıllı kənd" prinsipini, ekologi təmizlik məsələsini çox çətin ki, qorumaq mümkün olsun. Yaxsi olardı ki vətənə qayıdan hər bir məcburi köçkün ailəyə seçim üçün sərbəstlik verilsin-ya ata ocağında ev tikib yaşasın, ya da kənd ərazisində, kənddən bir qədər aralıda salınan "ağıllı kənd"də "dövlətin tikdiyi evdə yaşasın. Öz vəsaiti hesabına ev tikən məcburi köçkünlərə dövlət tərəfindən uzun müddətli kreditlər verilməsi təmin olunsun. İnanırıq ki, yaxın gələcəkdə işğaldan azad olunmuş torpaqlarımız öz doğma sakinlərini qoynuna alacaq və bu sakinlər doğma Azərbaycanın inkişafına və çiçəklənməsinə öz töhfələrini verəcəklər.