Türkiyə ilə sərhəddə yerləşən Marqara keçid məntəqəsində tikinti işləri yaxın vaxtlarda başa çatacaq. Dalidag.az bildirir ki, bu barədə Ermənistan Dövlət Gəlirləri Komitəsinin rəhbəri Rüstəm Badasyan deyib. O, brifinqdə konkret tarixlər deməsə də, tikintinin kifayət qədər aktiv olduğunu qeyd edib. O, Ermənistan tərəfində işlər başa çatdıqdan sonra sərhədin açılıb-açılmayacağı ilə bağlı açıqlama verməyib.

Azərbaycan Milli Elmlər Akademiyasının (AMEA) eks-prezidenti Ramiz Mehdiyevin adı qurumu saytında sabiq prezidentlər siyahısında yer almayıb. Dalidag.az xəbər verir ki, qurumun science.gov.az saytında “AMEA haqqında” bölümündə 10 keçmiş prezidentin adı yer alıb, lakin R. Mehdiyevin adı qeyd olunmayıb. Xatırladaq ki, R. Mehdiyev 2019-2022-ci illərdə Azərbaycan Milli Elmlər Akademiyasına rəhbərlik edib. Qeyd edək ki, hazırda AMEA-nın prezidenti İsa Həbibbəylidir.